Headlines
Published On:Selasa, 01 Februari 2011
Posted by AchiyaK Deni

Pidato Sirieh dari Sipangka

Written by R. St. Tandiko dan M.I. St. Rajo Batuah
Friday, 22 April 2005

Dari Japun handak ka Japun
Cino mamuek pacah-balah
Ampun baribu kali ampun
Ampun hambo di mamak hambo nan gadang Basa batuah

Salirik bandua di tapi, duo langgam bandua ditangah, lalu manyasak kapa serek, sajak dari ujuang sampai ka pangka, lalu malampaui ka halaman, rilah maaf hambo pintak.

Apo badakak di palano
Parmato jatuah ka lambah
Duduak lai hambo batanyo
Tagak hambo mambilang sambah

Handak ka gunuang Sikalibuik
Handak ka rimbo kayu jati
Kayu gadang banyak babuah
Katigo jo kayu kamat

Gagap ganta lah hambo manyabuik
Panghulu banyak nan Sati
Rang mudo banyak batuah
Tuanku banyak nan kiramat

Sambah di Allah sambah di Nabi, sambah kabanaan said alam, kalarau Yang Maha Mulia, dan pado wal ma’aju wal ma’ajam, mangko diuraklah sagalo Tambo Nabi Adam ateh duo, tigo ampek dan limo, adokalonyo sambah Malayu, tampek mayambah rajo pilihan, ateh balai balerong panjang, salingka korong salingkuang korong, tampek pamedanan panghulu kito, bungo satangkai nalo-nali, harum satahun palajaran.

Maraok buruang di udaro, ka ateh bungo maso itu, umpamo gombak ateh kapalo, umpamo parmato intan di ateh ameh, umpamo kayu gadang nan amat basa, tumbuahnyo di tangah padang, ureknyo taguah ka bumi, pucuaknyo cewang ka langit, rantiangnyo perak aso-aso, buah manjadi buah palo, bungo manjadi bungo cangkeh, daunnyo tampek balinduang, tampek bataduah kahujanan, tampek balinduang kapanasan, batangnyo tampek basanda, ureknyo tampek baselo, tampek tuanku main kitab, tampek panghulu main alua, tampek Pandeka main silek, tampek nan pintar main kudo, tampek sibudak main tandeh, tampek nan rusuah bahibo hati.

Tidak tabado banyak urang, bunyi galak badarai-darai, bunyi gandang babuah-buah, rahmat turun ka dunia, disangko dunia lai kan kekal,

Karambia di tangah padang
Tumbuah di batu nan tatagak
Tampak na dari Indogiri
Jikok dunia alah takambang
Kok medan alah tarapak
Kok andiko lah tatagak
Kok adat lah bahadiri
Di ateh rumah nangko

Apolah nan jadi adat dalam nagari, sirieh bacabiak pinang bagatok, kulansiang balapeh tadahan tibo, di muko baliau timbakau bacucuik kapua basabah.

Hiliekan sawah di Aro
Kok banyak sirieh di balai
saketek dalam carano
Rilah jo maaf hambo pintak

anak urang Sungai Lansiang
Batuduang-tuduang karakok
Nan hilia ka Balai Gurah
Sirieh lah baguntiang
Pinang lah sudah bagatok
Talatak dalam carano
Etanlah hambo punyo sambah

Tarantang tali tarantang
Tarantang tali tandikek
Di ladang nak rang Koto Tuo
Indak elok dirantang panjang
Elok dikumpua naknyo singkek
Ambiak sakiro nan ka paguno

Tarantang tahun Puti Bungsu
Turak dibao urang ka balai
Ampun dimintak bakeh panghulu
Pidato baleh dek nan pandai.

-oOo-

Sumber : Sumarak Nagari, Alur Pasambahan dan Pidato Adat Minangkabau
Disadur Oleh : Erwin Moechtar


Sumber : http://www.cimbuak.net

Klik Bintang Untuk Voting Anda
Rating: 4.5
Description: Pidato Sirieh dari Sipangka
Reviewer: AchiyaK Deni
ItemReviewed: Pidato Sirieh dari Sipangka


About the Author

Posted by AchiyaK Deni on Selasa, Februari 01, 2011. Filed under , . You can follow any responses to this entry through the RSS 2.0. Feel free to leave a response

By AchiyaK Deni on Selasa, Februari 01, 2011. Filed under , . Follow any responses to the RSS 2.0. Leave a response

0 comments for "Pidato Sirieh dari Sipangka"

Posting Komentar
Latest Posts :

Hotel

Kuliner

Wisata

Artikel Lainnya » » More on this category » Artikel Lainnya » »

Musik

Tari

Ukiran

Artikel Lainnya » » Artikel Lainnya » » Artikel Lainnya » »

Top Post

Coment

Adat

Artikel Lainnya»

Budaya

Artikel Lainnya »

Sejarah

Artikel Lainnya »

Tradisi

Artikel Lainnya »

Di Likee "Yaaa.." Kalau Postingan Di sini Sangat Bermanfaat Dan Membantu bagi Anda ..

VISITORNEW POST
PageRank Checker pingoat_13.gif pagerank searchengine optimization Search Engine Genie Promotion Widget ip free counter