Published On:Selasa, 28 Februari 2012
Posted by Unknown
SIRIAH GADANG
 | |||
Siriah gadang siriah balingka
Kuniang sacoreng diatehnyo Baaleh batadah tampan Hulu adat kapalo baso Pangka kato hulu bicaro Panyingkok peti bunian Pambukak biliak nan dalam Susunan dari Priangan Buatan Parpatiah Nan Sabatang Tidan nan turun dari ateh Balingka jo mufakat Balingka jo limbago
Jadi pusako alam nangko
Latak diateh pintu biliak
Dijujuang jo mufakat Dipikua kato baiyo Barundiang sasudah makan
Batanyo salapeh arak
Siriah gadang manjadi punco Anak kunci dalam hetongan
Tando adat badiri nyato
|
Nan tampak sirah balingka
Bapahek diateh papanIsinyo adat jo pusako Baukia ditimbago Bacacak ateh batu Manjadi pado zaman Tando biti adat bapakai Tinggi nan amban jantan Dalam juo takasiak bulan Pandai ukia di timbago Pandai pahek pado kayu Disitu hati mako sanang Dilahia manahan bandiang Di bathin manahan tiliak Nan nyato nampak di mato Nan bathin dibawo raso Distulah latak makna siriah Siriah sahalai nan bagagang Gagang barangkai jo bungonyo Bungo nan elok katiruan Disinan tiruan adat Di situ limbago tumbuah | Laweh dikambang ka alam nangko Kucuik saleba daun siriah Kok rimbun tampak di junjuangan Urek malakek di rumpunyo Aka mancakam masuak tanah Kok lah tampak siriah balingko Mangundang pintak dengan pinto Siriah naiak junjungan naiak Baitu dandamnyo siriah nantun Lakek di papan nan balariak Ukiran di rumah gadang Lukisan adat jo limbago Jadi pakaian di istano Manjadi suri tuladan kain Umpamo ragi nan tadendeng Dalam bathin budi marangkak Lahianyo kayu nan balariak Bathinnyo limbago cupak adat Adat limbago tempat diam di alam Minangkabau Alam takambang jadi guru | |
Description: SIRIAH GADANG
Reviewer: Unknown
ItemReviewed: SIRIAH GADANG
