Published On:Rabu, 29 Februari 2012
Posted by Unknown
SALUAK LAKA
  Laka basauh jo baukuran Silang bapiuah di dalamnyo Aleh pariang jo balango Panadah angek jo dingin Panatiang kuma baarang Palatak tambika nan kapacah Nan sanang talatak di tampeknyo Buliah katangah jo katapi Baiak di ateh ruang tangah Dari muko lalu ka ujuang Laka nan indak dapek tingga Basauk untuang jo bagian Lahia jo bathin di dalamnyo Lahianyo aleh tambika Bathin mangaik kaukuran Balah sapiahan jo karek kuduangan Bapantang putuih di dalam adat Bagaikan apo nan lah tumbuah Kok jauah jalang manjalang Kok hampia silau manyilau Kaik nan indak dapek sangkah Tali nan indak buliah putuih Putuihnyo antaro batenggang Dilukih di ateh papan Dibarih mako dipahek Jadi ragam bungo janggi Nan sakaki samundan panuah Jadi hiasan di rumah gadang Bagaluik galuang jo siku Antah siku di ateh galuang Antah galuang manitih siku Aka manjadi pangka ragam Bungo manyumbua di nan putuih Di dalam bungo putiak marangko Ujuang jo pangka nan tak tampak Awal jo akhia nan tidak kalihatan Baitu ragamnyo saluak laka Lataknyo di dalam tingkok Nak tarang tampak dimato Nak baguru bujang jo buatan Dagang nak jan salah sangko Urang di rantau saruannyo Alam takambang jadi guru Imbau maimbau dalam bathin Japuik manjapuik dalam raso Saluak laka namonyo ukia Dilariak nan rang Balai Gurah Ukia nan turun dari aka Dilingkuang alua jo patuik Lahia jo bathin ado maknanyo Utang di kito manguasai sumber : http://zulfikri.orgfree.com/ |
Description: SALUAK LAKA
Reviewer: Unknown
ItemReviewed: SALUAK LAKA
