Mangana Untuang

Ditulis oleh Yanto Jambak Sabtu, 06 Februari 2010 13:40


Katiko malam sadang laruik

Udaro dingin di bao ribuik

Mato nan indak amuah di tutuik

Nan tadanga nyamuak bagaluik

Tamanuang badan di suduik

Hati mamang pikiran kusuik

Kaniang laweh bakarinyuik

Muko tagang lah bakaruik

Den pandangi camin lah balumuik

Tampak jangguik jo sunguik

Lah samo putiah jo rambuik

Kok gigi batambah susuik


Den topang dagu jo lutuik

Taraso lakek pungguang jo paruik

Galang galang sadang bagaluik

Isi paruik taraso lisuik


Sulik bana taraso hiduik

Saharian kopi sajo nan bahiruik

Indak ciek juo nan tanyunyuik

Usah lai ka masuak kambuik


Takunci rasonyo muluik

Nyali taraso samakin ciuik

Badan bak raso ka bakujuik


Tahampeh tangan talambuik

Tadanga suaro sayuik sayuik

Manyuruah badan ba sujuik


Kama lah badan ka manuntuik

Awaklah nyato salah hiduik

Indak nan pasa jalan ba turuik


Banyak karajo nan indak patuik

Mabuak mayipak jo manyikuik

Gilo manyentak jo marangguik

Kini lah bak cando banang kusuik

Ujuang jo pangka lah basaruik

Indak ka mungkin lai di uruik

kasadonyolah bakalibuik

Sandiwara abih layie lah tutuik


Dari pado pindah ka gaduik

Bantuak urang gilo buntuik

Elok dimintak surek hanyuik

Ka muaro bia nak lucuik..

Yanto Jambak (Yan Madjo Basa). seorang putra minang kelahiran canduang,bukittinggi yang mengawali karir saya di Sekolah Tinggi Perikanan sebagai pelaut Kapal Latih Perikanan selama 8 tahun s/d 1985 yg kemudian bertugas di darat pd Unit BST-USKP dgn status PNS sampai sekarang,disamping menjadi penyiar di Radio Bharata (Tapian Ranah Minang) tahun 1992 kemudian duduk dalam dewan pendiri Radio SUARO MINANGKABAU Am 648 yang juga sebagai penyiar dengan mata acara,Saliguri (Kisah di balik gurindam),Balerong (Barapak adat lewat corong)dan berbagai jabatan Kabag siaran,divisi Off Air dan terakhir sebagai General Manager.pada th 2006 kembali ke Radio Bharata sebagai penng jwb Siaran Tapian Ranah Minang yang mengudara setiap hari Senin Selasa dan rabu.skrg juga salah seorang pendiri Radio PUSAKO MINANG,dan Dewan Penasehar FORKAMI (Forum Komunikasi Artis dan Seniman Minang)Jaksel &Tangerang.salah satu bukti kecintaan saya terhadap seni budaya dan adat Minang, saya telah menulis sekitar 400 judul gurindam yang bercerita ttg kehidupan dan keprihatinan trhdp adat dan budaya minang itu sendiri.dan telah menerbitkan IV jld.


sumber : http://www.pandaisikek.net