Headlines
Published On:Senin, 31 Januari 2011
Posted by AchiyaK Deni

Alam Takambang Jadi Guru (III)

Ditulis oleh Elmirizal Chanan Selasa, 19 May 2009 16:12

Simaklah pulo anau jo rimbo.



ImageTumbuah tak rago urang tanam.

Barabuik sigaek nak mamanjek.

Indak suatu nan tabuang.

Batangnyo manganduang sagu.

Makanan urang sa nagari jo kudo-kudo malamakkan,



Ruyuang diambiak ka pincuran,

Kok dikabuang dibalah-balah,

Elok ka kasau jo kalantai,

Ka paga nan rancak bana.

Daun nan tou jadi atok

Nan pucuak ka daun rokok

Lidih disusun jadi sapu.

Ijuaknyo elok ka tali,



Saga pun banyak kagunoan.

Buah lamak nirunyo manih.

Dimasak jadilah gulo,

Diparam tuak namonyo,

Kok rasan itulah cuko.

Kampai-pun ka miang palapahnyo,

Tapakai ka rauak api.





Usah Bak Cando Bio-bio



Bagagang mamanjek samak,

Biaso tumbuah di baluka

Roman saujuik kacang paga.

Buahnyo baduyun-duyun,



Kulik bakilek kuniang hamek haluik babulu anak kuciang,

Itulah miang sabananyo.

Salain banamo bio-bio kacang miang namonyo juo

Jarang lah urang nan tak tau.

Dek inyo bagagang panjang,



Bio-bio manjala tanah,

Supayo tagak bak urang pulo

Tapaso malilik batang bagantuang ka rantiang kayu.

Banyak kacang pakaro kacang,

Kacang miang paliang manggata.

Gata dek miang bio-bio taseso sabatang tubuah,

Jantuang lah mintak gawiak pulo.





Iduik Pisang Jadi Pidoman


Hiduik hanyo sakalai joak
Umua nan tidak panjang amek
Bapantang mati mangarisiak
Sabalun buah mangalupak
Walau jantuang nyo ka ta ulua


Pagi di pancuang patang tumbuah
Dipapek bataruak juo
Cako rogek kini badaun
Paneh bamusim tak nyo layua
Dek ribuik haram tabokekan
Sampai maurai bongo mandak

Tumbuah isuak babuah labek
Manyirah sabalik tandan
Dimakan Urang sanagari.
Buruang jo pipik barasaki
Mambari guno bakuliliang


Tarago indak disintuah
Inyo katumbang rabah surang
Rila mati tunduak ka bumi
Umua usai tugas salasai
Jariah indak dikana lai
Bia nan satu manilainyo



(Sebentar tapi berkesan, sekali penuh kenangan)
(Oleh : Yus. Dt. Parpatiah dalam album Pitaruah Ayah Untuak Calon Pangulu)


sumber : http://www.pandaisikek.net

Klik Bintang Untuk Voting Anda
Rating: 4.5
Description: Alam Takambang Jadi Guru (III)
Reviewer: AchiyaK Deni
ItemReviewed: Alam Takambang Jadi Guru (III)


About the Author

Posted by AchiyaK Deni on Senin, Januari 31, 2011. Filed under . You can follow any responses to this entry through the RSS 2.0. Feel free to leave a response

By AchiyaK Deni on Senin, Januari 31, 2011. Filed under . Follow any responses to the RSS 2.0. Leave a response

0 comments for "Alam Takambang Jadi Guru (III)"

Posting Komentar
Latest Posts :

Hotel

Kuliner

Wisata

Artikel Lainnya » » More on this category » Artikel Lainnya » »

Musik

Tari

Ukiran

Artikel Lainnya » » Artikel Lainnya » » Artikel Lainnya » »

Top Post

Coment

Adat

Artikel Lainnya»

Budaya

Artikel Lainnya »

Sejarah

Artikel Lainnya »

Tradisi

Artikel Lainnya »

Di Likee "Yaaa.." Kalau Postingan Di sini Sangat Bermanfaat Dan Membantu bagi Anda ..

VISITORNEW POST
PageRank Checker pingoat_13.gif pagerank searchengine optimization Search Engine Genie Promotion Widget ip free counter